12:04 - 8.07.2020

---

8 iyul, Fineko/abc.az. Türkiyənin bir sıra şəhər və əyalətlərində pandemiya səbəbindən yenidən bəzi məhdudiyyətlərin tətbiqinə başlanıb.

ABC.AZ Türkiyə mediasına istinadən məlumat verir ki, qadağalar İstanbul, Ankara, Kahramanmaraş, Kayseri, Malatya və Hatay şəhərlərini əhatə edir.

Qadağalara görə, bundan sonra adıçəkilən şəhərlərdə əsgər yola salma mərasimlərinin keçirilməsinə icazə verilməyəcək. Bu qərarın tətbiqinə səbəb həmin əyalətlər üzrə Covid-19-a yoluxma sayında cüzi artımın qeydə alınmasıdır. Avtobus terminallarında, küçələrdə tez-tez rast gəlinən “yolasalma” mərasimlərində bundan sonra hərbi xidmətə yollanan şəxsin yalnız birinci dərəcəli yaxınları iştirak edə bilər.

Qeyd edək ki, qadağaya əməl etməyənləri cərimə və həbs cəzası gözləyir.

Müəllif: Elmir Murad