12:06 - 7.08.2020

---

7 avqust, Fineko/abc.az.   “Bakı Nəqliyyat Agentliyi” publik hüquqi şəxs  təmizlik xidmətləri (Tender 1), yeraltı avtomobil qarajlarında ödəmə terminalları, kamera nəzarət sisteminin yenidən qurulması üçün avadanlıqlar, zəruri proqram təminatı, şəbəkə infrasturukturunun yenilənməsi, server və avadanlıqları üzrə lazımi mal, iş və xidmətlər (Tender 2), svetofor məntəqələri və həmin məntəqələr üzrə müvafiq işlərin görülməsi, avadanlıqların və mal-materialların daimi olaraq işlək vəziyyətdə saxlanılması üçün aylıq texniki xidmətin göstərilməsi, habelə mövcud svetofor məntəqələrinin yeraltı kommunikasiya xətlərinin dəyişdirilməsi və yenilənməsi işlərinin görülməsi məqsədilə mal, iş və xidmətlərin (Tender 3) satın alınması ilə bağlı elan etdiyi açıq tenderlərə yekun vurub.

ABC.AZ etender.gov.az -veb saytına istinadən xəbər verir ki, 1-ci tenderin qalibi " MİNT SERVİCES" MMC, 2-ci tenderin qalibi " MOBİL-MMXA LTD" MMC, 3-cü tenderin qalibi " TECHMASTER" MMC olub.

Qalib şirkətlərə müvafiq olaraq 627698  manat, 665968  manat , 2.069545  manat ödəniləcək.