Deputatların toxunulmazlığına belə xitam veriləcək – Detallar

16:01 - 16.09.2020


16 sentyabr, Fineko/abc.az. Milli Məclisin İntizam Komissiyasının yeni hazırlanmış əsasnaməsində müraciətlərə, təqdimatlara və məlumatlara baxılması qaydası və müddətləri müəyyənləşib.

ABC.AZ-ın məlumatına görə, bundan sonra 7.1.4- cü bəndə əsasən Milli Məclisin sədrinin göndərişi əsasında Milli Məclisin deputatının toxunulmazlığına xitam verilməsi haqqında Baş Prokurorun təqdimatına ən geci 3 iş günü müddətində baxılacaq.

Həmçinin Milli Məclis sədrinin göndərişi əsasında Milli Məclisin deputatlığından məhrumetmə ilə əlaqədar məsələyə 2 həftə müddətində baxılacaq.

Bununla yanaşı, Milli Məclisin Daxili Nizamnaməsinin 45-ci maddəsinin birinci hissəsinin 1-ci bəndində göstərilən əsasa görə deputata töhmət verilməsi barədə Milli Məclisin yaxud onun komitə və komissiyasının iclasına sədrlik edənin təqdimatına 2 həftə ərzində baxılacaq.

 

Bütün xəbərlər