Qəbələyə çəkilən dəmir yolundan xəbər var – İstismarına az vaxt qalır

14:16 - 17.09.2020


17 sentyabr, Fineko/abc.az. “Azərbaycan Dəmir Yolları” QSC (ADY) Ləkidən Qəbələyə çəkilən dəmir yolunu bu ilin sonunadək istismara verməyi planlaşdırır.

Bu layihə çərçivəsində aparılan tikinti işlərinin artıq 82%-i tamamlanıb.

ADY-dən ABC.AZ-a verilən məlumata görə, Qəbələyə çəkilən biryollu xətt öz başlanğıcını Bakı-Böyük Kəsik dəmir yolu xəttinin Ləki stansiyasından götürür.

Yeni salınmış dəmir yolu xəttinin yan yollarla birlikdə ümumi uzunluğu 44,5 km təşkil edir.

Yolun layihələndirmə işlərinə xarici ekspertlər cəlb olunub, tikinti işləri isə yerli mütəxəssislər tərəfindən aparılıb.

Müəllif: Elmir Murad

 

Bütün xəbərlər