17:27 - 18.09.2020

---

18 sentyabr, Fineko/abc.az. “Sahibkarlar arasında keçirilən müntəzəm təhlili sorğular mövcud iqtisadi şəraitdə ödəniş qabiliyyətli biznes subyektlərinin sayının azaldığını göstərir”.

ABC.AZ xəbər verir ki, bunu Azərbaycan Banklar Assosiasiyası yanında Azərbaycan Bank Tədris Mərkəzinin direktoru Cavanşir Abdullayev Mərkəzi Bankın İdarə Heyəti yanında Sahibkarlarla Əməkdaşlıq Şurasının onlayn formatda növbəti iclasında bildirib.

O qeyd edib ki, bir çox hallarda sahibkarların biznes planları bankları qane edəcək keyfiyyətdə hazırlanmır.

Mərkəz rəhbəri dövlətin biznesə dəstək fondlarının ayrı-ayrılıqda mühüm əhəmiyyətini qeyd etməklə yanaşı mövcud şəraitdə onların fəaliyyətinin konsolidasiyası imkanlarına baxılmasının vacibliyini diqqətə çatdırıb.