Daha bir ölkədən Azərbaycana dəstək – BMT qətnamələrinə əməl edilsin

09:59 - 1.10.2020


1 oktyabr, Fineko/abc.az. Kolumbiya Senatının Xarici Əlaqələr daimi Komissiyası Azərbaycanın ərazi bütövlüyü və beynəlxalq qaydada tanınmış sərhədlərinin toxunulmazlığına dəstəyini bir daha ifadə edən sənəd qəbul edib.

ABC.AZ-ın məlumatına görə, sənəddə Kolumbiya Senatının adıçıkilən komissiyası tərəfindən təcavüzkar siyasətə son qoyulmasına, münaqişənin beynəlxalq hüquq, beynəlxalq humanitar hüquq çərçivəsində və BMT Təhlükəsizlik Şurasının 1993-cü il tarixli 822, 853, 874, 884 saylı qətnamələrinin tətbiqi ilə həllinə çağırış edilir.

Bəyanatda beynəlxalq təşkilatlar Azərbaycan ərazisində yaşanan münaqişəyə münasibətdə daha ehtiyatlı davranmağa, ədalətli və qərəzsiz mövqedən çıxış etməyə çağrılır.

 

Bütün xəbərlər