12:02 - 17.12.2020

---

17 dekabr, Fineko/abc.az. Azərbaycana və bəzi rayon, şəhərlərin ərazisinə giriş-çıxışın, ictimai nəqliyyatın, o cümlədən Bakı Metropoliteninin fəaliyyətinin məhdudlaşdırılması yük və sərnişin daşımalarının azalmasına gətirib çıxarıb.

ABC.AZ Dövlət Statistika Komitəsinin aylıq hesabatına istinadən xəbər verir ki, yük daşınması bu ilin noyabr ayında oktyabr ayına nisbətən 3,3 faiz artsa da, ötən ilin noyabr ayı ilə müqayisədə 26,7 faiz azalıb.

Nəticədə ümumilikdə bu ilin yanvar-noyabr aylarında ötən ilin eyni dövrü ilə müqayisədə ölkə üzrə yük daşınması 19,6 faiz azalıb.

Sərnişin daşınması cari ilin noyabr ayında oktyabr ayı ilə müqayisədə 5,1 faiz, ötən ilin noyabr ayına isə nisbətən 54,5 faiz azalıb.

Ümumilikdə cari ilin yanvar-noyabr aylarında 2019-cu ilin müvafiq dövrü ilə müqayisədə ölkə üzrə sərnişin daşınmasının 40,5 faiz azalıb.

Müəllif: Elmir Murad