330x110
 

Bakı-İstanbul aviareysi ləğv edilib

21.12.2020,10:37


21 dekabr, Fineko/abc.az. “Azərbaycan Hava Yolları” QSC-nin (AZAL) bu gün saat 09:10-da Bakıdan Türkiyənin İstanbul şəhərinə yerinə yetirməli olduğu J2 177 reysi ləğv olunub.

ABC.AZ xəbər verir ki, bu barədə Heydər Əliyev Beynəlxalq Aeroportundan bildirilib.

Qeys olunub ki, həmin aviareysin sərnişinləri İstanbula AZAL-ın bu gün saat 11:50-də həyata keçirəcəyi J2 175 reysi ilə yola salınacaq.

Bununla belə, hava limanından uçuşun hansı səbəbdən baş tutmadığı açıqlanmayıb.