10:43 - 26.01.2021

---

26 yanvar, Fineko/abc.az. Bildiyiniz kimi yanvarın 25-də Nazirlər Kabinetində baş nazir Əli Əsədovun sədrliyi ilə müşavirə keçirilib.

ABC.AZ-ın məlumatına görə, müşavirədə bu il qarşıda duran əsas məsələlər müzakirə edilib.

Qeyd olunub ki, işğaldan azad edilmiş ərazilərdə torpaq islahatının aparılması üçün yeni mexanizm və meyarlar işlənib hazırlanmalı, ölkə səviyyəsində su ehtiyatları ilə bağlı problemləri həll etməklə yanaşı, işğaldan azad edilmiş torpaqların su ehtiyatlarından səmərəli istifadə məsələlərinə xüsusi diqqət yetirilməli, azad edilmiş torpaqlarda ən müasir suvarma sistemləri yaradılmalı, ərazilərin yaşıl enerji zonasına çevrilməsi, həmin ərazilərdə su mənbələrindən istifadə edilərək su elektrik stansiyalarının tikintisi imkanları da nəzərdən keçirilməlidir.