330x110
 

Bakıda sürüşmə olub – Bir restorana ziyan dəyib

29.01.2021,10:37


29 yanvar, Fineko/abc.az. Yanvarın 28-i saat 21:05-də Bakı şəhəri, Səbail rayonu, 20-ci sahə adlanan ərazidə avtomobil yolunda torpaq sürüşməsi baş verib.

ABC.AZ xəbər verir ki, bu barədə FHN-in Mətbuat xidməti məlumat yayıb.

Dərhal əraziyə Nazirliyin aidiyyəti qurumlarının nümayəndələri, eləcə də xilasedicilər cəlb edilib, ərazidə lazımi təhlükəsizlik tədbirləri görülüb, müvafiq dövlət orqanları məlumatlandırılıb.

İlkin baxış zamanı ətrafdakı yaşayış evlərinə ziyan dəymədiyi müəyyən edilib.

Digər məlumata görə, sürüşmə nəticəsində yaxınlıqdakı restorana ziyan dəyib.