Azərbaycan Sığortaçılar Assosiasiyası aqrar sığorta üzrə qanun layihəsini tənzimləyiciyə ötürdü

12:00 - 12.03.2018


12 mart, Fineko/abc.az. Azərbaycan Sığortaçılar Assosiasiyasının (ASA) işçi qrupunun kənd təsərrüfatı sığortası modelinin tətbiqi üzrə son iclası keçirilib.

ASA-nın məlumatında deyilir ki, işçi qrupunun iştirakçıları “Kənd təsərrüfatı sığortası haqqında” qanun layihəsini müzakirə etdilər və təkliflərini irəli sürdülər.

“Müzakirənin yekununda, qanun layihəsinin Azərbaycan Maliyyə Bazarlarına Nəzarət Palatasına göndərilməsi qərara alındı”, - deyə məlumatda bildirilir.

ASA-da “Kənd təsərrüfatı sığortası modelinin Azərbaycanda tətbiqi” ilə əlaqədar İşçi Qrupu fevralın 16-da formalaşdırılmışdır.

 

 

Bütün xəbərlər