16:17 - 21.04.2021

---

21 aprel, Fineko/abc.az. İlk dəfə olaraq ölkədə müstəqil aqrar sığorta ekspertləri fəaliyyətə başlayırlar.

Aqrar Sığorta Fondundan ABC.AZ-a daxil olan məlumata görə, Azərbaycanda Türkiyənin TARSİM sisteminin təcrübəsindən yararlanaraq yaradılan aqrar sığorta mexanizmində müstəqil aqrar sığorta ekspertləri mühüm vəzifəni yerinə yetirir.

Ekspertlər sığortalanma zamanı təsərrüfatın vəziyyətini müəyyən edir və sığorta risklərini qiymətləndirirlər. Sığorta hadisəsi baş verdikdə isə hadisənin araşdırılması və dəyən zərərin hesablanması da müstəqil sığorta ekspertlərinin vəzifəsinə daxildir.

Nəticədə ilk dəfə olaraq sığorta  riskləri və sığorta hadisəsi zamanı dəyən zərər müstəqil mütəxəssislər tərəfindən qiymətləndiriləcək.