330x110
 

Məşğulluq altsistemi test rejimində fəaliyyətə başlayacaq - Yeni layihə

23.04.2021,17:32


23 aprel, Fineko/abc.az. Dövlət Məşğulluq Agentliyi tərəfindən rəqəmsal məşğulluğa keçid istiqamətində mühüm layihələrdən olan əmək münasibətləri və məşğulluq altsistemi (ƏMAS) yaxın vaxtlarda test rejimində fəaliyyətə başlayacaq.

ABC.AZ-ın məlumatına görə, bu barədə Agentlikdə bir sıra şirkətlərin insan resursları üzrə məsul şəxsləri ilə keçirilən görüşdə bildirilib.

Agentliyin sədri Mustafa Abbasbəyli rəqəmsal məşğulluğa keçid və xidmətlərin elektronlaşdırılması istiqamətində icra olunan 8 layihəni qeyd edib.

Bildirib ki, bunlar ƏMAS, ölkənin məşğulluq xəritəsi, məşğul şəxslərin ölkə üzrə reyestri, qeyri-formal məşğulluğa nəzarət informasiya ehtiyatı, səyyar yoxlama və monitorinq sistemi, elektron əmək birjası və yarmarkası, həmçinin ictimai işlər portalıdır (works.gov.az).