16:30 - 8.06.2021

---

8 iyun, Fineko/abc.az. Biçin prosesinin mütəşəkkil təşkili üçün “Aqroservis” Açıq Səhmadr Cəmiyyəti (ASC) tərəfindən bütün lazımi hazırlıq işləri aparılıb.

ABC.AZ xəbər verir ki, bunu jurnalistlərə Biləsuvarın Nəsimi kəndində biçin prosesini izləyən “Aqroservis” ASC-nin İdarə Heyətinin sədri Elmin Rəhmanov deyib.

O qeyd edib ki, biçin aparılacaq ərazilərdə növbəlilik sistemi tətbiq olunub, kombaynlarda GPS sistemi quraşdırılıb, rayonların kombaynlara tələbatı əvvəldən müəyyənləşib, texnikalar tələbata uyğun biçin ərəfəsində rayonlara göndərilib, biçin getməyən rayonlardan aktiv biçin bölgəsinə əlavə kombaynlar dislokasiya edilib.

O bildirib ki, biçin prosesinin təşkili ilə əlaqədar “Aqroservis” ASC-də operativ qərargah fəaliyyət göstərir.