330x110
 

Azərbaycan Yunanıstana təbii qaz ixracını 12 dəfədən çox artırıb - Hesabat

23.06.2021,12:07


23 iyun, Fineko/abc.az. Bu ilin yanvar-may aylarında Azərbaycan Avropa İttifaqına (Aİ) 288,592 mln. ABŞ dolları dəyərində 1,372 mlrd. kubmetr təbii qaz ixrac edib.

ABC.AZ Apa-ya istinadən xəbər verir ki, Dövlət Gömrük Komitəsinin və Dövlət Statistika Komitəsinin məlumatları əsasında aparılan hesablamalara görə, bu il Azərbaycan Aİ-nin üç ölkəsinə – İtaliya, Yunanıstan və Bolqarıstana təbii qaz nəql edib.

Ötən il Aİ ölkələrindən yalnız Yunanıstana qaz ixracı həyata keçirilib.

Qeyd edək ki, bu ilin ilk beş ayında Azərbaycan İtaliyaya 243,643 mln. dollarlıq 1,153 mlrd. kubmetr, Yunanıstana 32,775 mln. dollarlıq 127,819 mln. kubmetr, Bolqarıstana isə 12,174 mln. dollarlıq 91,999 mln. kubmetr təbii qaz ixrac edib.

Ötən ilin eyni dövründə bu ölkələrdən yalnız Yunanıstana təbii qaz ixracını həyata keçirən Azərbaycan bu il sözügedən ölkəyə qaz ixracını 12,3 dəfə artırıb.