İranda beşinci dalğasının qarşısnı almaq üçün 2 həftəlik tətil olacaq

17:21 - 2.08.2021


2 avqust, Fineko/abc.az. İranın Ali Lideri Ayətullah Xamenei ölkənin səhiyyə nazirinin istəyinə uyğun olaraq ölkədə 2 həftəlik tətil elan olunmasına göstəriş verib.

ABC.AZ apa-ya istinadən xəbər verir ki, İranın səhiyyə naziri Səid Nəməki ölkədə koronavirusun geniş yayılmasının, beşinci dalğasının qarşısnı almaq və xəstəxanaların yükünü azaltmaq məqsədilə İranın Ali Lideri Atətullah Xameneiyə məktubla müraciət edərək ölkədə 2 həftəlik tətil elan olunmasını, polis və təhlükəsizlik qüvvələrinin sağlamlıq protokollarına iki həftədə sərt nəzarət etməsini xahiş edib.

Səhiyyə nazirinin məktubunun cavabında Ayətullah Xamenei İran prezidentinə göstəriş verib ki, bu məsələ Koronavirusla Mübarizə Qərargahında müzakirə olunsun və lazımi addım atılsın.

 

Bütün xəbərlər