330x110
 

Dövlət xətti ilə verilən kirayə mənzillərin sayı açıqlanıb

19.08.2021,12:28


19 avgust, Fineko/abc.az. Bu günə qədər İpoteka və Kredit Zəmanət Fondu 35 112 borcalana 1 milyard 882,465 milyon manat məbləğində ipoteka krediti verib.

Bu barədə Fondun açıqlamasında bildirilir.

Bundan başqa, qurum bəyan edib ki, indiyə qədər 232,518 milyon manat məbləğində biznes kreditlərinə zəmanət verib, 951 mənzil isə kirayəyə vermək yolu ilə realizə edilib.

Xatırladaq ki, Fond 2017-ci ilin sonunda “Azərbaycan İpoteka Fondu” və “Kredit Zəmanət Fondu” ASC-lərin birləşməsi nəticəsində yaradılıb və onların hüquqi varisidir. Fond milli maliyyə təsisatlarına uzunmüddətli subsidiyalaşdırılmış ipoteka kreditlərinin verilməsi və ucuz maliyyə resurslarına çıxışın təmin edilməsi ilə bağlı likvidlik dəstəyini verən dövlət agenti kimi fəaliyyət göstərir.