“Xəyal Adaları”nda işlədiyi zaman yıxılaraq öldü - Cinayət işi açıldı

27.10.2021,11:52

27 oktyabr, Fineko/abc.az. Oktyabrın 25-i saat 13 radələrində 1972-ci il təvəllüdlü İqram Dervişov işlədiyi yerdə almış olduğu xəsarət nəticəsində xəstəxanada ölüb.

Prokurorluqdan ABC.AZ-a verilən məlumata görə, İ.Dervişov Suraxanı rayonunda yerləşən “Xəyal Adaları” yaşayış kompleksindəki fitness-spa mərkəzi üçün nəzərdə tutulmuş tikilidə suvaq-təmir işlərini görən zaman üzərində dayandığı 2 metr hündürlüyündəki ayaqaltıdan yerə yıxılıb.

Nəticədə baş nahiyəsindən almış olduğu xəsarətdən xəstəxanada ölüb.

Faktla bağlı cinayət işi başlanıb. Hazırda iş üzrə istintaq hərəkətləri davam etdirilir.