Azərbaycandakı qızıl istehsalçısı xaricdən səhmlər aldı

23.12.2021,15:01

23 dekabr, Fineko/abc.az. Azərbaycanda fəaliyyət göstərən qızıl, mis və gümüş istehsalçısı olan “Anglo Asian Mining plc” Kanadanın mis kəşfiyyatçısı “Libero Copper & Gold Corporation”nın ("Libero") buraxılmış və dövriyyədə olan adi səhmlərin 14,18 %-ni alıb.

ABC.AZ xəbər verir ki, şirkət "Libero"nun hər bir səhminə 0,5 ABŞ dolları ödəməklə, ümumilikdə 2,8 milyon ABŞ dollara 5,6 milyon səhminə sahib olub.

“Anglo Asian Mining plc” bölməni investisiya məqsədləri üçün alıb, bazardan və digər şərtlərdən asılı olaraq, o cümlədən ümumi bazar şəraiti və digər mövcud investisiya və biznes imkanlarını nəzərə alaraq "Libero"nun adi səhmləri və ya varrantlarındakı benefisiar sahibliyini açıq bazarda, özəl danışıqlar yolu ilə və ya bir sıra şərtlərə uyğun olaraq artıra və ya azalda bilər.