Ən çox yanacaq işlədən avtomobillər - Siyahı

05.01.2022,17:11

5 yanvar, Fineko/abc.az. Yanacaq sərfiyyatı avtomobillərin vacib xüsusiyyətidir.

ABC.AZ-ın məlumatına görə, təbii ki, yanacağı daha çox istifadə edən avtomobil daha qənaətcil maşınlarla müqayisədə ciddi üstünlüklərə malik ola bilər.

Ancaq sürücülər son zamanlar daha çox benzin və ya dizel sərf etməyən avtomobilləri almağa üstünlük verirlər. Ekspertlər sahibləri yanacağa külli miqdarda pul xərcləməli olan üç avtomobilin adını çəkiblər. Bunlardan birincisi “Bugatti Chiron Pur Sport” avtomobilidir.

Belə ki, bu avtomobilin sahibi hər yüz kilometrə 18 litrdən çox yanacaq sərf etməlidir. Şəhər şəraitində bu rəqəm 30-a yaxındır. İkinci yeri əfsanəvi “Mercedes-Benz G-Wagen” avtomobili tutub. Orta hesabla ona 17,8 litr yanacaq lazım ola bilər. Lider üçlükdə şəhərdən kənarda 100 kilometrə 16,8 litr göstərici ilə “Ram 1500 TRX” pikapıdır.

Yaşayış məntəqələri ərazisində avtomobilə hər yüz kilometrə 23,5 litr yanacaq lazımdır.

Müəllif: Elmir Murad