Avtomobil kreditlərinin ilkin ödənişləri azaldıla bilər- Mərkəzi Bank araşdırmalar aparır

28.01.2022,15:03

28 yanvar, Fineko/abc.az. Mərkəzi Bank avtomobil kreditlərində ilkin ödəniş nisbətinin azaldılması üzrə araşdırmalar aparır.

ABC.AZ xəbər verir ki, bunu Marja.az-a Mərkəzi Bankın Prudensial siyasət və metodologiya departamentinin direktoru Leyla Nəbiyeva bildirib.

“Xüsusilə, elektrikli və hibrid avtomobillərin kreditləşdirliməsində müəyyən yeni normativlərin və güzəştlərin tətbiq edilməsi imkanlarını araşdırırıq”, - o deyib.

Qeyd edək ki, avtomobi dilerləri avtomobil krediti üzrə ilkin ödəniş tələbinin yeni avotomobillər üzrə hazırkı 40%-dən 20%-dək endirilməsini təklif edirlər. Avtomobil satıcıları iddia edirlər ki, aşağı ilkin ödəniş tələbi yeni avtomobillərin satışına təkan verəcək və Azərbaycanın avtomobil parkı "cavanlaşacaq".