Bu Bankın səhmdarları toplaşır - Gündəliyə bir sıra məsələlər daxildir

28.01.2022,15:09

28 yanvar, Fineko/abc.az. “Kapital Bank” ASC-nin səhmdarlarının növbəti ümumi yığıncağı keçiriləcək.

ABC.AZ-ın məlumatına görə, iclas martın 14-də, saat 11:00-da baş tutmalıdır.

Yığıncaq Bankın baş ofisinin Bakı şəhəri, Səbail rayonu, Badamdar qəsəbəsi, Mikayıl Müşfiq küçəsi, 2E ünvanındakı inzibati binasında olacaq.

Yığıncağın gündəliyinə “Kapital Bank”ın 2021-ci ilin yekunlarına dair maliyyə hesabatlarının təsdiq olunması, səhmdarlara dividend ödənilməsi, Bankın Müşahidə Şurasının Əsasnaməsinin və tərkibinin nəzərdən keçirilməsi, kredit təşkilatının Nizamnaməsinin, yığıncağın Əsasnaməsinin yeni redaksiyada təsdiq edilməsi, eləcə də digər məsələlər daxildir.