16:46 - 30.03.2022

---

30 mart, Fineko/abc.az. İcbari tibbi sığortanın tibbi xidmətlər zərfi çərçivəsində hansı tibbi xidmətlərə sığorta limiti olduğu açıqlanıb.

ABC.AZ Apa-ya istinadən xəbər verir ki, xidmətlər zərfində fizioterapiya xidmətlərinə sığorta limiti tətbiq olunur.

İl ərzində hər bir nahiyə üzrə fizioterapiya xidmətinə 10 prosedurdan artıq olmamaq şərtilə həkimin göndərişi əsasında vətəndaşa xidmət göstərilir.

Əlavə olaraq, koxlear implantasiya və oynaqdaxili endoprotezlərin yerləşdirilməsi əməliyyatları üçün sığorta limiti tətbiq olunur.

Bu xidmətlərin hər biri üçün ölkə üzrə illik 300 əməliyyat nəzərdə tutulub.