Təhsil kreditlərinin faizləri azaldılsın - Deputat təklif verdi

15.04.2022,11:59


15 aprel, Fineko/abc.az. Bildiyiniz kimi bu gün Parlamentin növbəti iclası keçirilib.

ABC.AZ-ın məlumatına görə, iclasda deputat Əli Məsimli təhsil kreditlərinə toxunub.

O, Azərbaycanda təhsil kreditlərinin illik faiz dərəcəsinin çox olduğunu bildirib və 6%-dən 3%-ə endirməyi təklif edib.

“Hazırda qayda elədir ki, təhsil krediti almaq üçün minimum 300 bal toplanmalıdır. Bu da ciddi məhdudiyyətdir. Bunu da aradan qaldırmaq lazımdır. Çünki abituriyent 300-dən çox bal yığsaydı, dövlət sifarişi əsasında oxumalı idi”, - o vurğulayıb.