Azərbaycanda kərə yağının istehsalı artıb, duru yağ istehsalı isə azalıb

09:59 - 18.04.2022


18 aprel, Fineko/abc.az. 2022-ci ilin yanvar-mart aylarında Azərbaycanda qida məhsullarının istehsalında artım müşahidə olunub.

ABC.AZ-ın məlumatına görə, sözügedən dövrdə əvvəlki ilin müvafiq dövrü ilə müqayisədə qida məhsullarının istehsalında 9,4 faiz, tütün məmulatlarının istehsalında 4,5 faiz artım, içki istehsalında isə 20,0 faiz azalma qeydə alınıb.

Bu sahələrin əsas məhsullarından marqarin istehsalı 28,1 faiz, qənd və şəkər tozunun istehsalı 21,7 faiz, kərə yağının istehsalı 1,5 faiz artıb, duru bitki yağlarının istehsalı isə 14,1 faiz azalıb.

Bütün xəbərlər