10:26 - 18.04.2022

---

18 aprel, Fineko/abc.az. Pensiyalarla bağlı qanuna da dəyişiklik edilir.

Belə ki, əmək pensiyaları haqqında qanunun bir sıra maddələrinə dəyişikliklər təklif olunur.

Yaşa, yaxud əlilliyə görə pensiya alan şəxs ailə başçısını itirdikdə və ailə başçısını itirməyə görə də pensiya hüququ yarandıqda öz pensiyasını seçirsə, ona hesablanan pensiya məbləği digər ailə üzvləri arasında bölüşdürüləcək.

ABC.AZ xəbər verir ki, Milli Məclisin Əmək və sosial siyasət komitəsinin üzvü, millət vəkili Vüqar Bayramov yerli mətbuata bildirib ki, Əmək pensiyaları haqqında qanuna edilən dəyişikliklər, əmək pensiyalarına əlçatanlığın gücləndirilməsi, pensiya kapitalının daha ədalətli bölüşdürülməsi baxımından, vacib hesab olunur.

Eyni zamanda yeni dəyişikliklərə əsasən, yalnız analar deyil eyni zamanda ataların da daha tez pensiyaya çıxmaq imkanları olacaq. Millət vəkili qeyd edib ki, işləyən pensiyaçı vətəndaşlar üçün də dəyişikliklər və yeniliklər var.