"Bakı Fond Birjası" QSC ötən ili zərər edib - Hesabat

04.05.2022,17:06


4 may, Fineko/abc.az. "Bakı Fond Birjası" QSC 2021-ci ilin maliyyə göstəricilərini açıqlayıb.

ABC.AZ-ın məlumatına görə, Fond ötən ili 270 min manat xalis zərər ilə başa vurub.

Halbuki, Birja 2020-ci ili 826 min manat xalis mənfəət ilə bağlamışdı.

Ötənilki zərərin səbəbi gəlirlərin azalması ilə bərabər, bir sıra xərclərin artmasıdır. 2020-ci ildə "Bakı Fond Birjası"nın əqdlər üzrə tarif gəlirləri 1 milyon 983 min manat ikən, 2021-ci ildə 1 milyon 796 min manat təşkil edib.

Digər xidmət gəlirləri 2020-ci ildəki 215 min manatdan 2021-ci ildə 89 min manata geriləyib.