"Toyota Motor" şirkəti istehsalı qismən dayandıracaq - Detallar

11.05.2022,10:48


11 may, Fineko/abc.az. Yaponiyanın ən böyük avtomobil istehsalçısı "Toyota Motor" şirkətinin rəhbərliyi istehsalını qismən dayandırmaq  niyyətlərini açıqlayıb.

ABC.AZ-ın xarici mediaya istinadən məlumatına görə, şirkətdən bildirilin ki, mayın ortalarında Yaponiyadakı səkkiz zavodunda istehsal xətlərinin bir hissəsini müvəqqəti olaraq dayandıracaqlar.

İstehsal mayın 16-dan 14 konveyerdə maksimum altı günə dayanacaq.

Buna səbəb koronavirusla bağlı vəziyyətə görə müxtəlif məhdudiyyətlərin tətbiq olunduğu Çindən komponentlərin tədarükündə yaranan fasilələrdir.

Yarımkeçirici çatışmazlıqları səbəbindən Toyota Motorun bu ay Yaponiyada və xaricdə avtomobil istehsalı təxminən 700 min ədəd olacaqdır.

Bu, ilkin nəzərdə tutulduğundan təxminən 130 min ədəd azdır.