Mehdiabadda qanunsuz torpaq zəbt edilməsinin qarşısı alınıb

11.05.2022,15:55

11 may, Fineko/abc.az. Abşeron rayonunun Mehdiabad qəsəbəsində neft sənayesinə aid torpaq sahəsinin qanunsuz zəbt edilməsinin qarşısı alınıb.

ABC.AZ xəbər verir ki, Sahib Məmməd oğlu Quliyev bir qrup şəxslə birlikdə Azərbaycan Dövlət Neft Şirkətinin (SOCAR) Heydər Əliyev adına Neft Emalı Zavoduna (NEZ) məxsus neft kəmərinin mühafizə zonasını özbaşına zəbt edərək uzunluğu təqribən 100 metr, eni isə 20 metr olmaqla hasara alıb.

Ona SOCAR-ın Təhlükəsizlik İdarəsinin əməkdaşları dəfələrlə xəbərdarlıq edərək, neft kəmərlərindən bütün istiqamətlər üzrə 50 metr məsafədə hər hansı tikinti işlərinin aparılmasının qanunla qadağan edildiyini bildirib.