12:26 - 13.05.2022

---

13 may, Fineko/abc.az. İpoteka və Kredit Zəmanət Fondu 2021-ci ilin maliyyə göstəricilərini açıqlayıb.

ABC.AZ Fondun hesabatına istinadən xəbər verir ki, İKZF ötən ili 14 milyon 46 min manat xalis mənfəət ilə başa vurub.

Halbuki, Fond 2020-ci ili 7 milyon 228 min manat xalis mənfəət ilə bağlamışdı.

Beləliklə, İpoteka və Kredit Zəmanət Fondunun xalis mənfəəti 2020-ci illə müqayisədə 2021-ci  ildə təxminən 2 dəfə artıb. Bununla yanaşı İpoteka və Kredit Zəmanət Fondunun faiz gəlirləri 2020-ci ildə 41 milyon 486 min manat ikən, 2021-ci ildə 56 milyon 252 min manata yüksəlib.

Hesabata əsasən, 31 dekabr 2021-ci il tarixində İpoteka və Kredit Zəmanət Fondunun ipoteka kreditləri portfeli 1 milyard 410 min manat təşkil edib. Müqayisə üçün qeyd edək ki, 2020-ci ilin sonunda Fondun ipoteka kreditləri portfeli 1 milyard 138 milyon manat idi.