Gürcüstanın aprel ayında əldə etdiyi gəlirin 6,3 milyon ABŞ dolları Azərbaycanın payına düşüb

14:22 - 16.05.2022


16 may, Fineko/abc.az. Bu ilin aprel ayında Gürcüstanın beynəlxalq ziyarətçilərdən əldə etdiyi gəlirin məbləği 188,6 milyon ABŞ dolları təşkil edib. Bu barədə ölkənin Milli Bankının hesabatında bildirilib.

ABC.AZ Report-a istinadən xəbər verir ki, sənədə əsasən, həcm illik müqayisədə təxminən 4 dəfə çoxdur.

Hesabat ayında qonşu ölkənin əldə etdiyi gəlirin 6,3 milyon ABŞ dolları Azərbaycanın payına düşüb. Yanvar-apreldə isə Azərbaycandan olan turistlər Gürcüstana 22,9 milyon ABŞ dolları qazandırıb.

Apreldə Gürcüstana ən çox gəlir gətirən ölkələrin ilk üçlüyünə Avropa İttifaqı ölkələri (20,8 milyon ABŞ dolları), Ukrayna (19,5 milyon ABŞ dolları) və Türkiyə (15 milyon ABŞ dolları) daxil olub.

 

Bütün xəbərlər