Gürcüstanda çörək bahalaşa bilər

16.05.2022,16:34


16 may, Fineko/abc.az. Gürcüstanda buğda qıtlığı yaranıb və qiymət artımı gözlənilir.

ABC.AZ-ın məlumatına görə, bu barədə Gürcüstan mətbuatı xəbər yayıb.

Bunu Gürcüstanın iqtisadiyyat və dayanıqlı inkişaf naziri Levan Davitaşvili brifinqdə deyib.

Onun sözlərinə görə, hökumət üçün əsas məsələ çörəyin qiymətinin hamı üçün əlçatan olmasıdır:

“Son aylar un idxal etdiyindən Gürcüstanın buğda ehtiyatı tükənmək üzrədir. Dəyirmanlar artıq fəaliyyətlərini dayandırmalı olurlar. Yaranmış vəziyyət fonunda bəzi çörək istehsalçıları qiymətləri qaldırıb".