Litva prezidenti Bakıya gəlib - İlham Əliyev onu qarşılayıb

18.05.2022,11:27


18 may, Fineko/abc.az. Azərbaycana rəsmi səfərə gələn Litva Prezidenti Gitanas Nausedanın mayın 18-də rəsmi qarşılanma mərasimi olub.

ABC.AZ xəbər verir ki, hər iki ölkənin dövlət bayraqlarının dalğalandığı meydanda Litva Prezidentinin şərəfinə fəxri qarovul dəstəsi düzülüb.

Prezident İlham Əliyev Litva Respublikasının Prezidenti Gitanas Nausedanı qarşılayıb.

Litva və Azərbaycan respublikalarının Dövlət Himnləri səsləndirilib. Azərbaycan nümayəndə heyəti Litva Prezidentinə, Litva nümayəndə heyəti isə Azərbaycan Prezidentinə təqdim olunub.