2025-ci ildə Rusiyanın satdığı qazın qiyməti kəskin ucuzlaşacaq

19.05.2022,10:16


19 may, Fineko/abc.az. Xəbər verdiyimiz kimi Rusiya İqtisadi İnkişaf Nazirliyi 2025-ci ilə qədər Rusiyadan ixrac edilən Ural neft və qazının qiymətləri ilə bağlı proqnoz verib.

ABC.AZ-ın məlumatına görə, nazirliyin proqnozunda baza variantında qazın orta müqavilə qiymətlərinin 2022-ci ildə min kubmetr üçün 453 dollar olacağı gözlənilir (konservativ versiyada min kubmetr üçün 435,2 dollar).

İqtisadi İnkişaf Nazirliyi 2023-cü ildə hər min kubmetr üçün 374,1 dollar, (mühafizəkar versiyada 319,5 dollar), 2024-cü ildə 334,4 dollar (292,3 dollar), 2025-ci ildə 295 dollar (263,4 dollar) qiymət proqnozlaşdırır.

2022-ci ildə qeyri-MDB ölkələrinə satılan qazın qiymətinin min kubmetr üçün 523,3 dollar olacağı gözlənilir (konservativ versiyada min kubmetr üçün 513,1 dollar).

Məlumata görə, 2023-cü ildə qiymətlər 431,1 dollar (385,6 dollar), 2024-cü ildə 381 dollar (346,3 dollar), 2025-ci ildə 336,7 dollar (311,5 dollar) olacaq.