Azərbaycan məhsulları “Sial China 2018” sərgisində təqdim olunacaq

11:51 - 15.05.2018


15 may, Fineko/abc.az.  16-18 may tarixlərində Şanxayda “Sial China 2018” Beynəlxalq Ərzaq Sərgisi keçiriləcək.

İqtisadiyyat Nazirliyinin xəbərində deyilir ki, Azərbaycanı sərgidə 17 yerli şirkət təmsil edəcək.

“Yerli məhsullar sərgidə İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə “Made in Azerbaijan” vahid ölkə stendi ilə təqdim ediləcək. Sərgidə meyvə şirələri, konservləşdirilmiş məhsullar, müxtəlif növ şərablar və spirtli içkilər, fındıq, qənnadı məmulatları, çay, zəfəran, quru meyvə və s. məhsullar nümayiş etdiriləcək”, - deyə xəbərdə bildirilir.

 

Bütün xəbərlər