Ukraynadakı hərbi əməliyyatlarda Rusiya 13 milyard dollarlıq texnika itirib

24.05.2022,14:18


24 may, Fineko/abc.az. Bildiyiniz kimi Rusiyanın Ukraynadakı hərbi əməliyyatları davam edir. Bu müddətdə Rusiya Ukraynanın 20 %-ni işğal edib.

ABC.AZ xəbər verir ki, hazırda Ukrayna təqribən 125 min kvadrat kilometr ərazisi Rusiya işğalı altındadır.

Bunlar Donetsk, Luqansk, Xarkov, Xerson, Zaporojye vilayətlərinin hissələri və Krım yarımadasıdır.

İşğal dövründə Rusiyanın hərbi texnika itkiləri də hesablanıb. Belə ki, indiyə kimi Rusiya 13 milyard dollarlıq hərbi texnika itirib.

Bunlardan 6 milyard dollar təyyarə və helikopter, 4 milyard dollar tank və zirehli döyüş maşını, 1 milyard dollar gəmi və katerlər, 2 milyard digər texnikalar olub.

Vurğulanıb ki, Rusiya qüvvələrinin itirdiyi ən bahalı texnikalar “Moskva” kreyseri (750 milyon dollar), "İl-76" təyyarəsi (86 milyon dollar) və “Saratov” desant gəmisi (75 milyon dollar) olub.

Müəllif: Elmir Murad