Azərbaycanda qazın qiyməti çox aşağıdır - Samir Şərifov

15:37 - 25.05.2022


25 may, Fineko/abc.az. Xəbər verdiyimiz kimi Milli Məclisin İqtisadi siyasət, sənaye və sahibkarlıq komitəsinin iclası keçirilib.

ABC.AZ-ın məlumatına görə, iclasda “Azərbaycan Respublikasının 2021-ci il dövlət büdcəsinin icrası haqqında” qanun layihəsi müzakirəyə çıxarılıb.

Müzakirələrə qatılan maliyyə naziri Samir Şərifov tarif sahəsində çox ehtiyatlı siyasət aparıldığını bildirib.

O qeyd edib ki, dövlət müəssisələrini dərhal özəlləşdirməklə heç nəyə nail olmayacağıq: “Çalışılır ki, tariflər kəskin surətdə artmasın. Dövlət büdcəsindən bu tariflərdə olan fərq bağlanılır. Ötən ilin əvvəlində bir çox neft məhsulları üzrə liberallaşdırmaya getdik. Biz faktiki olaraq qaz üzrə qiymətləri 2 dəfəyə qədər artırdıq. Amma indi bizdə qazın qiyməti dünyadakı ilə müqayisədə çox aşağıdır. Hökumət bu məsələlərdə çox ehtiyatla davranır”.

Bütün xəbərlər