Paytaxtda ağacları kəsib - Parkinq etdilər - Foto

07.06.2022,12:23


7 iyun, Fineko/abc.az. Bakının Nəsimi rayonunda ağacların kəsilərək yerində parkinq təşkil edilməsi sosial şəbəkələrdə ciddi narazılığa səbəb olub. Belə ki, ərazidə çoxillik ağaclar kəsilib, piyadalar üçün səki isə daraldılıb.

ABC.AZ məsələ ilə bağlı Ekologiya və Təbii Sərvətlər Nazirliyindən bildirilib ki, məsələdən xəbərdardırlar.

“Nəsimi rayonu, Bülbül prospekti 18-30 ünvanında ağacın kəsilməsi ilə bağlı artıq Dövlət Ekoloji Təhlükəsizlik Xidmətinin əməkdaşları tərəfindən araşdırma aparılır”, - deyə açıqlamada vurğulanıb.

Qeyd edək ki, sosial şəbəkədə, həmçinin sözügedən ərazinin bu dəyişiklikdən öncəki görüntüsünün fotosu da yayılıb.