Azərbaycanda Ombudsmanın maaşı artırılır - 3060 manat əməkhaqqı alacaq

14:23 - 22.06.2022


22 iyun, Fineko/abc.az. Azərbaycan Konstitusiya qanununa dəyişikliklə Ombudsmanın maaşı artırılır.

Hazırkı qanunvericiliyə əsasən, müvəkkil 2230 manat məbləğində aylıq əmək haqqı alır.

ABC.AZ xəbər verir ki, bununla bağlı məsələ Milli Məclisin iclasında I oxunuşda müzakirəyə çıxarılıb.

Müvəkkil məzuniyyətə çıxdığı vaxt onun müalicə olunması və istirahət etməsi üçün iki aylıq əmək haqqı məbləğində ona pul təminatı verilir.

Dəyişikliklə isə Müvəkkil 3060 manat məbləğində vəzifə maaşı alacaq. Bundan əlavə, Ombudsmanın aylıq vəzifə maaşının 1,65 misli həcmində vəzifə maaşına əlavə ödəniləcək.

Qanunlara dəyişikliklər qəbul ediləcəyi təqdirdə 2022-ci il iyulun 1-dən qüvvəyə minəcək. Dəyişiklik layihələri müzakirələrdən sonra səsverməyə çıxarılaraq I oxunuşda qəbul edilib. 

Bütün xəbərlər