12:21 - 21.05.2018

---

21 may, Fineko/abc.az. Azərbaycan sığortaçıları yanvar-aprel ayları ərzində 301,4 milyon manat məbləğində sığorta haqları toplayıb və 78,5 milyon manat məbləğində sığorta ödənişi həyata keçirib.

Maliyyə Bazarlarına Nəzarət Palatasının məlumatına əsasən, ölkədə 21 sığorta şirkəti fəaliyyət göstərir.

“Könüllü sığorta bazarı üzrə haqlar 220,9 milyon manat, ödənişlər isə 56,9 milyon manat təşkil edib. İcbari sığorta bazarı üzrə haqlar 80,5 milyon manat, ödənişlər isə 21,6 milyon manat olub”, - məlumatda belə deyilir.

Məlumatda bildirilir ki, 73,3%-i  könüllü, 26,7%-i  isə  icbari  sığorta  növlərinin  payına  düşüb. Sığorta  ödənişlərinin 72,5%-i könüllü, 26,5%-i isə icbari sığorta növləri hesabına formalaşıb.