Rusiyadan qanunsuz olaraq Azərbaycana taxta şalban göndərilib

28.06.2022,17:11


28 iyun, Fineko/abc.az. Rusiyanın İrkutsk vilayətinin 38 və 58 yaşlı iki kişi qaçaqmalçılıq və dələduzluq hallarına görə ittiham olunur.

ABC.AZ Rusiya mətbuatına istinadən xəbər verir ki, onlar 2012-2014-cü illərdə qanunsuz olaraq Çin, Cənubi Koreya, Özbəkistan, Azərbaycan və Yaponiyaya dəyəri 400 milyon rubldan çox olan taxta-şalban göndərib, eləcə də 2011-2014-cü illərdə vergi orqanlarına saxta sənədlər təqdim edərək 61 milyon rubldan çox əlavə dəyər vergisinin (ƏDV) ödənilməsindən yayınıblar.

Təqsirləndirilən şəxslər növbəti dəfə 115 milyon rubl ƏDV-ni ödəməkdən yayınmaq istədikdə Federal Vergi Xidməti bunun qarşısını alıb. Vətəndaşların 44 milyon rubldan çox vəsaitinə həbs qoyulub.