Rusiya birbaşa dollar və avro ala bilmir

29.06.2022,16:17

29 iyun, Fineko/abc.az. Rusiyaya qarşı tətbiq edilən sanksiyalara görə ölkə birbaşa dollar və avro ala bilmir.

ABC.AZ xarici mətbuata istinadən xəbər verir ki, Rusiyanın maliyyə naziri Anton Siluanov bəyan edib ki, hökumət müharibədən əvvəlki fiskal qaydasına bənzər versiyanı tətbiq etməklə valyuta gəlirlərini artırmağı və bununla da rublun dəyərini aşağı salmağı hədəfləyir.

Yeni yanaşma ilə sanksiyalardan təsirlənməyən valyutalar hədəfə alına bilər. Siluanov hansı valyutaları almağı planlaşdırdıqlarını açıqlamayıb.

 “Biz məzənnəyə təsir etmək üçün dost ölkələrin valyutalarına sərmayə qoymağa hazırıq. Dollar və avro ilə çarpaz məzənnələr vasitəsilə rublun dollar və avro qarşısında məzənnəsini tənzimləyəcəyik. Hökumət bu planla gələn həftə rublun dəyərinə dair digər addımları müzakirə edəcək", - Siluanov Rusiyanın işgüzar dairələri ilə görüşdə deyib.