Mərkəzi Bank “A+CO” MMC-ni məhkəməyə verdi

04.07.2022,11:49


4 iyul, Fineko/abc.az. Azərbayacan Mərkəzi Bankı ölkədə “Xırdalan Şərab” kimi tanınan “A+CO” MMC barəsində məhkəməyə müraciət edib.

ABC.AZ Banker.az-a istinadən xəbər verir ki, Mərkəzi Bank “A+CO” MMC barəsində İnzibati Xətalar Məcəlləsinin 430.4-cü maddəsi ilə cərimə protokolu tərtib edib, Abşeron Rayon Məhkəməsinə göndərib. Bu maddə İXM-də valyuta tənzimi qaydaları pozulmasına görədir.

Belə ki, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə, hüquqi şəxslər inzibati xətanın obyekti olmuş valyuta vəsaiti məbləğinin 20 faizindən 30 faizinədək məbləğdə cərimə edilir.