09:23 - 18.02.2026

---

18 fevral, Fineko/abc.az. Çərşənbə günü keçirilən ticarət əməliyyatlarında etalon markaların qiyməti ötəngünkü enişdən sonra artır.

Saat 09:30-a olan vəziyyətə görə, ICE Futures birjasında Brent neftinin aprel fyuçersinin qiyməti $0,16 (0,24%) artaraq bir barel üçün $67,58 təşkil edib. Fevralın 17-də keçirilən ticarət sessiyasının yekununda aprel fyuçersi $1,23 (1,79%) ucuzlaşaraq bir barel üçün $67,42-a enmişdi.

NYMEX birjasında WTI neftinin mart fyuçersinin qiyməti saat 09:18-ə qədər $0,11 (0,18%) artaraq bir barel üçün $62,44 olub. 17 fevral ticarət əməliyyatlarının nəticələrinə görə, mart fyuçersi $1,44 (2,26%) ucuzlaşaraq bir barel üçün $62,33-a düşmüşdü.