Yaxın Şərqdəki gərginlik fonunda neftin qiyməti kəskin bahalaşıb

10:01 - 21.06.2019


21 iyun, Fineko/abc.az. Azərbaycanın dünya bazarında satdığı "Azeri LT CIF" markalı xam neftin qiyməti 2,24 (3,5%) artıb. Beləliklə, neftin bir barelinin qiyməti 65,71 dollar təşkil edib.

Ötən gün Yaxın Şərqdə gərginliyin artması fonunda kəskin sıçrayışdan sonra cümə günü neftin qiyməti bir qədər aşağı düşür.

Cümə axşamı günü, Londonun “ICE Futures” birjasında “Brent”in avqust fyuçersi  2,63 dollar (4,25%) artaraq bir barelə 64,45 dollar təşkil etmişdir.

Cümə günü saat 9:10-da Brent 0,18 dollar (0,28%) ucuzlaşaraq 64,27 dollar /barel təşkil edib.

Nyu-York Əmtəə Birjasında (NYMEX) iyunun 20-də keçirilən ticarətin nəticəsində “WTI” markalı neftin avqust fyuçersi 3,10 dollar (5,74%) kəskin artaraq bir barelə $57,07 təşkil etmişdir.

“WTI” markalı neftin iyul fyuçersi cümə günü saat 9:10-da 0,26 dollar (0,46%) azalaraq 56,81 dollar / barelə təşkil etmişdir.

 

Other news