10:01 - 1.10.2021

---

1 oktyabr, Fineko/abc.az. Əvvəlki sessiyanın yekunları üzrə artımdan sonra cümə günü ticarət zamanı etalon markaların qiyməti azalır.

Saat 09:15-də London ICE Futures birjasında Brent üzrə dekabr fyuçerslərinin qiyməti bir barel üçün $78,08 təşkil edir ki, bu da əvvəlki sessiyanın bağlanması qiymətindən $0,23 (0,29%) aşağıdır. Sentyabrın 30-da keçirilən hərracların nəticələrinə görə, bu müqavilələr $0,22 (0,3%) - $78,31-ə qədər artıb.

Saat 09:15-də Nyu-York əmtəə birjasının (NYMEX) elektron hərraclarında WTI-nin noyabr ayı üçün fyuçerslərinin qiyməti bir barel üçün $74,79 təşkil edir ki, bu da  əvvəlki sessiyanın yekun dəyərindən $0,24 (0,32%) aşağıdır. Bu müqavilələrin qiyməti sentyabrın 30 - da $0,20 (0,3%) - $75,03 artmışdır.

Sentyabr ayının nəticələrinə görə Brent qiyməti 9,5%, WTI - 9% - dən çox artıb%.