“Yelo Bank”ın səhmdarlarında dəyişiklik olub

12.08.2022,16:57


12 avqust, Fineko/abc.az. “Yelo Bank” ASC-nin səhmlərinin 95,7%-nə nəzarət edən “Topaz Investments” MMC-nin payının 94,7%-lik hissəsi digər səhmdara - Marina Kulişovaya ötürülüb.

Banka istinadən xəbər verilir ki, bununla da, onun payı 4,2%-dən 98,9%-ə çatdırılıb.

Qalan 1%-lik hissəni isə “Yelo Bank”ın İdarə Heyətinin sədri Anar Həsənov əldə edib. Bankın səhmlərinin 0,1%-i isə əvvəlki kimi “ISR Holdinq” MMC-yə məxsusdur.

M.Kulişova "Yelo Bank"ın Müşahidə Şurasının sədri, həm də “Topaz Investments”in direktorudur.

"Yelo Bank" 1994-cü ildən fəaliyyət göstərən "Nikoil Bank" ASC-nin bazasında 2019-cu ildə yaradılıb. Onun nizamnamə kapitalı 378 milyon manatdır.

© Report.az