10:45 - 5.12.2022

---

5 dekabr, Fineko/abc.az. Gürcüstan iqtisadiyyatı yüksək templə bərpa olunur - 2022-ci ilin oktyabrında ÜDM-in real artımı 2021-ci ilin eyni dövrü ilə müqayisədə 8,3% təşkil edib.
ABC.AZ Gürcüstanın Milli Statistika Xidmətinin "Sakstat" hesabatına istinadən bildirir ki, ilin əvvəlindən on ay ərzində orta real artım tempi 10% təşkil edir.
2020-ci ildə iqtisadiyyatda 6,8% azalmadan sonra 2021-ci ilin aprelindən etibarən kifayət qədər sürətli bərpa prosesi gedir ki, bu da demək olar ki, bütün iqtisadi parametrlərdə özünü göstərir. Bu, ixrac və idxalın artması, pul köçürmələri və müəssisələrin dövriyyəsinin artmasıdır.
Yenilənmiş məlumatlara əsasən, 2021-ci ildə Gürcüstanın iqtisadi artımı 10,5% təşkil edib.
Sakstatın məlumatına görə, 2022-ci ilin oktyabrında ölkə iqtisadiyyatının artımına tikinti, nəqliyyat və anbar təsərrüfatı, maliyyə və sığorta fəaliyyəti, mədənçıxarma, otel və restoranlar, incəsənət, əyləncə və istirahət sahələri mühüm töhfə verib.
2022-ci ilin oktyabrında Gürcüstan iqtisadiyyatının artımı daşınmaz əmlakla bağlı əməliyyatlarda, eləcə də istehsal sektorunda azalma tendensiyası müşahidə olunub.