Azərbaycanda amonium sulfat gübrəsi istehsal olunacaq

14:24 - 26.01.2023


26 yanvar, Fineko/abc.az. Sumqayıt Kimya Sənaye Parkının rezidenti - "Azərsulfat" MMC amonium sulfat gübrəsinin istehsalını planlaşdırır.

ABC.AZ xəbər verir ki, bunu jurnalistlərə açıqlamasında şirkətin direktoru Emin Quliyev bildirib.

"Zavodumuz 100 %-lik istehsal gücünə çatdıqdan sonra onun böyüdülməsi, gücünün bir qədər də artırılması, sulfat turşusundan başqa digər məhsulların istehsalı, o cümlədən amonium sulfat gübrəsinin istehsalı planlaşdırılır. Azərbaycana hər il 3-4 min ton amonium sulfat gübrəsi gətirilir. Hazırda dünya bazarında bu gübrənin qiyməti çox artıb", - deyə o qeyd edib.

Bundan başqa, E.Quliyevin sözlərinə görə, sulfat turşusunun istehsalı üçün lazım olan kükürd ölkəyə xaricdən gətirilir və xaricdəki bahalaşma yerli məhsulun maya dəyərinə də təsir göstərir.

 

Вся лента