Ötən il ən çox kiçilən Banklar - Reytinq

16:53 - 30.01.2023

30 yanvar, Fineko/abc.az. Ötən il böyüyən Banklarla yanaşı, sabit qalan və kiçilən banklar da oldu.

ABC.AZ xəbər verir ki, hazırda yerli banklar arasında 200 milyon manatdan az aktivi olan bank yoxdur.

Ötən il ölkədə 3 bankın aktivləri azalıb. Ən çox kiçilən banklar "Premium Bank" və "Azərbaycan Sənaye Bankı" olub. "Premium bank" aktivlərinin 68 milyon manatını və ya 9%-ni itirərək 760 milyon manatdan 692 milyon manata enib.

Nəticədə aktivlərin həcminə görə bankların reytinqində 10-cu pillədən 15-ci pilləyə sürüşüb.

"Azərbaycan Sənaye Bankı" isə 65 milyon manat və ya 8% itirərək  812 milyon manatdan 747 milyon manata enib.

Nəticədə siyahıda 9-cu sıradan 13-cü sıraya enib. 

Вся лента